నిష్ఠుర నిజం

           నిష్ఠుర నిజం

         

         

            ఆ:వె.   మతము పెంచునేని మనుషులందు మమత

                    దురభిమానమేల ధరణి నిండె

                    కంచె దిటవుమాట కల్లగాకేమౌను

                    పంటపొలము నడుమ పశువు మేయ.

 

          ఆ:వె.   గద్దెనెక్కి జనుల గాపాడ మాన్యులు

                    హింసలేల రేగె హితవు చెడెను

                    చేపతల్లి సుఖము చెప్పెదమేమని

                    స్వేతబకము చేరి చెఱువునేల.

 

          ఆ:వె.    గురునిచెంత జేరి గురుతెరింగె ననగ

                    మోహమేల పోదు దేహి విడచి                                              

                   వలకుజిక్కినట్టి పులుగుబాధలు వీడ

                    పంజరంపు పక్షి పాటు బడునె

 

          ఆ:వె.    హరియె వైద్యుడౌచు నవతరించె ననగ

                    మూత్రపిండమెట్లు మోసమయ్యె

                    వృత్తిమీది భక్తి వుత్తుత్తిదై పోవ

                    దయ్యమౌనుగాదె దైవమైన

 

          ఆ:వె.    తెలివి మీరిపోయి కలిమికమ్ముడుపోయి

                    ధర్మహని మాట తగునె పలుక

                    కటికకొంప కీడ్చి కత్తులు ఝు ళిపించి

                    గోవుపాల కేడ్వ గుణము గలదె.

                    ***

    SEARCH: NISTURA NIZAM