నా భారత దేశం

 నా భారత దేశం

నా భారత ధాత్రి దివ్య - పుణ్యధామ మణుమణువు

నా భరతజాతిఖ్యాతి - వినువీధిన కెగసి మెఱయు

 

సితకపోత పక్షతాళ -  శాంతిధ్వనిత మీ నభం

అహింసయుధంపు ధగద్ధగ లలిమిన దీతలం

దేశభక్తి తావి నిండి - వీచు నిచటి మారుతం

శాంతి సహన సంయమనం - ఈ జాతికి సహజగుణం.. //నా భారత//

 

ఇచ్ఛవచ్చు మతమునందు - స్వేచ్ఛగ జీవింతురిచట

అన్నదమ్ము లనగ జనులు - హాయిగ విహరింతురిచట

భాషలు వేరైనగాని - భావమేమొ ఒకటె యిచట

పుడమిలోనె పుణ్యభూమి - భరతావని యన ముచ్చట .//నా భారత//

 

ఈ జాతిన చిచ్ఛుబెట్టి - విద్వేషం రగిలించి

భాషపేర మతంపేర - మనసు విరచు ధూర్తులు

జాతి కన్ను విచ్చిజూడ - తుత్తునియలు కాకపోరు

ఈ జాతికి యేనాటికి - తరుగులేదు తిరుగులేదు.        //నా భారత//

--OOO--

Naa Bharata Desam