కడపకు వందనం
చరితపుటల తళుకులీను - కడపకిదే వందనం
దేవునిగడపై వెలసిన - మా కడపకు వందనం
కడపరాయని రక్ష -విజయదుర్గ కటాక్షము
అమీన్‌పీర్ ఆసీస్సులు - మరియాపుర యేసుకృపా
తరగక యున్నట్టి మా - కడపే ఒక సుస్థలం.//చరితపుటల //
అల్లసాని జిగి కవితలు - భట్టుమూర్తి సుశ్లేషలు
బమ్మెర పరమాత్మగీతి - అన్నమయ్య ముద్దుపాట
తెలుగు జాతి కందించిన - కడపమండల కీర్తికి
మరీ మరీ వందనం -అభినందన చందనం. //చరితపుటల//
వీరబ్రహం వేమన - కాశీనాయన పుల్లయ
అవధూత, అరుళయ్య - స్వాముల దీవెనలతోడ
పావనమైనట్టి కడప - కిదేయిదే వందనం. //చరితపుటల//
మంజుమియా కడపగాంధి- కోటిరెడ్డి బసిరెడ్డి
యాదాళ్ళనాగమ్మ - వంటి మహామహులనూ
కన్నభూమి కడపకిదే - వందన నీరాజనం. //చరితపుటల//
***
* kadapa ku vandanam
