సగంతప్పు
సాలంకృత వరకట్న కన్యాదానం నవ్వుతూనే నిర్వర్తించాడు.
కట్నరహిత ఆదర్శకల్యాణం కొడుక్కు జరిపించాడు
ఏమిటీ విడ్డూరం? అంటే
ఇవ్వడం అమానుషం కాదులెమ్మంటాడు.
తనదగ్గర కాగితం ఆలస్యమవకుండా రాసేస్తాడు
మరితన బకాయీలకోసం ఓవెయ్యి టేబుల్‍క్రిందందిస్తాడు
ఏమిటీ అన్యాయం? అంటే
బ్రదర్! యివ్వకుంటే గత్యంతరం లేదంటాడు
ఒక‍అడుగాక్రమించిన ఇరుగునేమనలేదు
రెండడుగులు తా విదిచి పొరుగుసుఖం కోరాడు
ఏమిటి దీనర్థం? అంటే
ఇరుగుపొరుగు విరోధం స్థలముండీ యిరుకంటాడు.
ఏమైనా నీది సగం ఖచ్చితంగా తప్పేనంటే
నిజమేనని ఒప్పుకుంటాడు
అయితే ఆ సగంతప్పునుండి
సంఘం నన్ను కాపాడాలంటాడు
మీరేమంటారో మరి?
---
Search: Sagam tappu
