భరతావని
ఈవిశాల విశ్వమందు
నందనమీ భరతావని..
వివిదజాతి భూరుహముల
నిత్యహరిత యెలదోటై
పలుజాతులు పలుమతాలు
పలుసంస్కృతు లలమిన భువి //ఈవిశాల//
పీతారుణ సిత సువర్ణ
నీలవర్ణ కుసుమములవి
తమిళ తెలుగు కన్నడ
ఉర్దూ మళయాళ నుడులు //ఈవిశాల//
బహువిధ లతలను వికసిత
సుమసౌరభ మధురస్మృతులు
కట్టు బొట్టు ఆచారపు
వ్యవహారపు వివిదగతులు //ఈవిశాల//
ఈనేల యీజాతి వసుధరను
వినుతికెక్కి వెలసినట్టి
సారస సంస్కార మహిత
లౌకిక సమభావభరిత.. //ఈవిశాల//
---
search: Bharatavani
No comments:
Post a Comment